Мазаалай баавгай эдүгээ Говийн их Дархан цаазат газрын Цагаан богд, Атас-Ингэс, Шар хулсны нуруунд 18-22 тоотойгоор 3-4 бүл үүсгэн амьдарч байна.Энэ нь маш ховордсон гэсэн үг. Эдүгээ мазаалай баавгайг хамгаалах асуудлаар Байгаль орчин, ногоон хөгжлийн яам, ШУА-ийн Биологийн хүрээлэн, Мазаалай сан, “Дисковер говь" зэрэг төрийн болон төрийн бус байгууллагууд, үйл ажиллагаа явуулж байна.

Монгол бөхөн нь зөвхөн баруун Монгол, Их нууруудын хотгорт Шаргын говь, Хүйсийн говь болон Дөргөний талд тархсан байна. Хэдийгээр 2020 оны нэгдүгээр сар хүртэл популяцийн хэмжээ хамгийн багадаа 5070 бодгаль хүртлээ өссөн боловч популяцийн хэмжээ эмзэг байгаа учир хамгаалалтын дорвитой арга хэмжээнүүдийг авах хэрэгцээ шаардлага байсаар байна.